വെള്ളം

 ഇന്നലെയും വന്നിരുന്നു.

ആ ഒറ്റമുറി വീട്,

പണിതീരാത്ത ജനാലകൾ ,

കടൽ ഭിത്തിയിലേക്ക് തുറക്കുന്നത്.

കരിനീല പുതച്ച തുറമുഖം.

നര വീണൊരു വെളുത്ത പാലം.

നമ്മളാറു പേർ , ഒരിടത്ത്.

വീടുകളായിരുന്നു രാത്രി നിറയെ 

പലകാലങ്ങളിൽ ഇറങ്ങി വന്നതും 

കയറിപ്പറ്റാതെ പോയതും.

കുലത്തെക്കുറിച്ച് ഒരക്ഷരം 

നിങ്ങൾ ചോദിച്ചില്ല,

നോട്ടു പെട്ടിയെക്കുറിച്ചവരും.

അന്തരങ്ങൾ നിർമ്മിക്കപ്പെടുകയാണ്.

നിന്റെ ചായ പോലെ , കടുപ്പത്തിൽ.