കഥ :
ഞാനൊരു പുഴയായിരുന്നു
കൈനീട്ടി പുണരാൻ കരകളും
കരളേറ്റു വാങ്ങാൻ കടലുമില്ലാ-
തായപ്പോഴാണ് ഞാൻ തടാകമായത്.
കുട :
തളരുമ്പോഴാണ് തണലാകേണ്ടത്,
മഴയോളം പെയ്ത് വെയിലായി
വളർന്നിട്ടെന്തിന് കുടയുടെ കരുതൽ?
കണ്ണ് :
കല്ലിനും കടലാസിനുമിടയിൽ കണ്ണുടക്കി,
കുത്തിക്കുറിച്ചിട്ട പേരുകൾക്ക് നടുവിൽ
കണ്ണാടിച്ചീളു കൊണ്ട മുറിവ്,
കണ്ണടയ്ക്കകമത്രയും കറുപ്പ്!
കരിയില :
പടരാൻ ചില്ലകളുണ്ടായിരുന്നെങ്കിൽ
ഞാൻ മണ്ണിന്റെ മാറിൽ പറ്റിച്ചേർന്നു,
മതിലിടത്തോളം മാത്രം
നടന്ന് മടങ്ങില്ലായിരുന്നു.
No comments:
Post a Comment