Wednesday 6 August 2014

ചരിത്രരേഖകൾ

ഭൂപടത്തിലിടം നേടാതെ പോയ
ചുംബനങ്ങൽ കൊണ്ട്
ഞാനെന്തു ചെയ്യണം?

ചരിത്രത്തിന്റെ ഉള്ളറകളിൽ
നിന്നും നീ മനനം ചെയ്തെ-
ടുത്ത ഗതകാലരേണുക്കൾ.

വർത്തമാന ചീളുകളിൽ
നീയെന്നോ കൊത്തിയിട്ട-
യെൻ കാമ കല്പനകൾ.

കവിയും കാമുകനും
ഭ്രാന്തനെറിഞ്ഞു കൊടുത്ത
കറുപ്പിന്റെ തൃഷ്ണകൾ.

വേരറ്റു പോയേക്കാവുന്നൊരു
പുരാതന പ്രേമത്തെ
പ്രകീർത്തിക്കാനെങ്കിലും,

എന്റെ ആത്മാവിന്റെ ശബ്ദം
നിന്റെ ശരീരത്തിന്റെ ഭാഷയിൽ
സംസാരിക്കേണ്ടിയിരിക്കുന്നു,

ഭൂമിയിൽ നാം നമ്മെ
പരസ്പരം ചുണ്ടുകളാൽ
രേഖപ്പെടുത്തേണ്ടിയിരിക്കുന്നു.

No comments:

Post a Comment